কল্পনা চাওলা ভাৰতীয় প্ৰথম অন্তৰীক্ষ যাত্ৰী
পূথিবীত মানুহ যিদৰে ঘুৰি ফুৰিছে ঠিক সেইদৰে মহাকাশৰ বুকুত ঘূৰি ফুৰা কথা মানুহে কল্পনা কৰে। আজি যান্ত্রিক যুগত মানুহে কৰিব নোৱাৰা কাম নাই বুলিবই পাৰি। উৰাজাহাজ চলাব পাৰে আকাশ ভ্রমণ কৰিব পাৰে। ১৯৫৭ চনৰ ৪ অক্টোবৰ দিনা নিচেই পুৱাতে স্পুটনিক-২ নামৰ এটা তিনি পর্যায়ৰ ৰকেট ৰুচিযাই আৰব মহাসাগৰ ওচৰৰ টায়' বাটামৰ পৰা মহাকাশলৈ পঠাই মহাকাশ যানৰ সূচনা কৰে। ভষ্টক নামৰ এই মহাকাশযান খনেই আছিল প্রথম মহাকাশ যান। সেই বছৰ ৩ নৱেম্বৰ দিনা স্পুটনিক ২ ত ৰুছদেশে মহাকাশলৈ নিক্ষেপ কৰা লাইকা নামৰ কুকুৰটোৱেই আছিল মহাকাশলৈ যােৱা প্রথম জীৱ। ১৯৬১ চনৰ ১২ এপ্রিল ছােভিয়েট ৰাছিয়া “উষা একাডেমী অৱ চায়েন্স্” ৰ ফালৰ পৰা বিশ্বৰ প্রথম মহাকাশচাৰী হিচাপে মহাকাশলৈ উৰা মাৰিচিল উৰি গাগাৰিন। ৰাছিয়া আৰু আমেৰিকাৰ তেতিয়া পৰা গাইগুটীয়াভাৱে মহাকাশ অভিযানৰ আঁচনি আৰম্ভ কৰে। ১৯৮১ চনত আমেৰিকা নেচনেল এৰনেটিকেল স্পেচ এডমিনিচট্ট্রেচন 'নাছাৰ ফালৰ পৰা এই নতুন পদ্ধতিৰ যানৰ নিৰ্মানৰ সহায়ত মহাকাশ অভিযানৰ বহুখিনি অসুবিধা দূৰ কৰে। এই বিশেষ প্রকাৰৰ যান দুখনক কোৱা হয় স্পেচ চাটল বা মহাকাশ ফেৰি যান। নাছাৰ প্ৰথমখন মহাকাশ যান হ’ল কলম্বিয়া ১৯৮১ চনৰ ১২ এপ্রিলত মহাকাশলৈ উৰা মাৰে। বৰ্তমানলৈকে নাছাই নির্মাণ কৰা পাঁচখন মহাকাশ যান হ’ল - কলম্বিয়া, ছেলেঞ্জাৰ, দিচকভাৰী, আটলান্টিক আৰু এভেঞ্জাৰ। ইয়াৰ ভিতৰত চেলেঞ্জাৰ আৰু কলম্বিয়া মহাকাশ ধ্বংসপ্রাপ্ত হয়। কলম্বিয়া নামৰ যানখন শেষবাৰৰ কাৰণে ২০০৩ চনৰ জানুৱাৰীৰ ১৬ তাৰিখে মহাকাশ লৈ উৰা মাৰে। নাছা ৰ উদ্দেশ্য আছিল কিছুমান গুৰুত্বপূর্ণ গবেষণা কৰা। মহাকাশত মানৱ শৰীৰ অধ্যয়ন, কেন্সাৰ কোষৰ বিকাশ সম্পর্কে গবেষণা। জ্ঞানহীন অৱস্থাত পতংগৰ পৰীক্ষা নিৰীক্ষা চলাইছিল। তেওঁলােকে মানুহৰ শৰীৰৰ লগতে মহাকাশলৈ লৈ গৈছিল কিছুমান উদ্ভিদ, মৌ মাখি, মকৰা, পাটপলু, জাপানী কিলফিচ, গােলাপ ফুল ইত্যাদি। মহাকাশচাৰী সকলে কিছুমান তথ্য আৰু চিত্র নাছাৰ হিউমেন স্পেস ফ্লাইট ৱেবৰ জৰিয়তে পৃথিবীলৈ প্ৰেৰণ কৰিছিল। মহাকাশচাৰী সকলে প্ৰেৰণ কৰা তথ্য মতে গোলাপ ফুলকে ধৰি কিছুমান সুগন্ধি ফুলৰ গোন্ধ বেলেগ হয়। মহাকাশচাৰী সকলে এই সকলো কাম। সুচাৰুৰূপে সম্পূর্ণ কৰি ঘুৰি আহােতেই মাত্ৰ ১৬ মিনিটত তেওঁলোকৰ সপােন ভাঙি চুৰমাৰ হয়।
©All Right Reserved
